Спалети потврди: Заминувам бидејќи сум уморен

После претсдателот Де Лаурентис, сега и самиот Лучијано Спалети го потврди заминувањето од Наполи.

Спалети после 33 години му го донесе Скудетото на Наполи, па веста за неговото заминување беше големо изненадување.

Сега Спелети ги откри мотивите поради кои одлучил да си замине од кормилото на Наполи.

„Понекогаш се разделувате од некого поради преголема љубов. Не постои шанса да го сменам мислењето. Во овој момент не сум во можност да му дадам се на Наполи, кој го заслужува најдоброто, а тоа во моментов не сум јас. Уморен сум и ми треба одмор. Сакам малку да се исклучам од се. Одам на едногодишен одмор, никого нема да тренирам. Уште пред неколку недели им кажав во клубот дека ми треба една година да одморам“, истакна Спалети.