„Со сопствени очи видов дека Мертенс одби пет милиони евра по сезона од Јувентус“

Дрис Мертенс се прости од Наполи и така стави крај на една неверојатна авантура која траеше цели девет години.

Иако беше омилен во клубот и така, сега дефинитивно неговиот статус на легенда ќе се зацврсти. Мертенс не се договори со Де Лаурентис за нов договор, а откако пропаднале преговорите со Наполи добил понуда од Јувентус.

Јувентус на Мертенс му понудил пет милиони евра по сезона. За ова се пишуваше и претходно, но сега дека навистина е така потврди потпретседателот на Галатасарај, Ерден Тимур.

„Со сопствени очи видов дека Јувентус му понуди пет милиони евра по сезона. Мертенс покажа доблест и не сакаше да оди во Јувентус поради ривалството кое го има со Наполи“, изјави еден од водечките луѓе на турскиот гигант.