Со кого Милевски ќе ја нападне Германија – Миовски или Јаховиќ?

Македонија вечерва ќе игра против Германија на домашен терен во квалификациите за Светското првенство, а најголемата дилема пред овој меч за составот Милевски веројатно ја има за нападот – Миовски или Јаховиќ?

Барди нема да игра на овој меч и тоа ќе биде голем проблем во организацијата на играта. Но тука се Адеми, Елмас и веројатно Николов кој ќе го понесат товарот во тој дел од теренот.

По суспензијата во првиот тим се враќа Муслиу кој заедно со Велковски, Алиоски и Ристовски ќе бидат последниот бедем пред голот на Столе Димитриевски. Прашања има во офанзивата, каде Трајковски и Чурлинов би требало да играат на крилните позиции. Но кој ќе биде најистурен во нападот. Јаховиќ е логично решение поради неговото искуство, но можно е да стартува Миовски кој дебитираше против Лихтенштајн, а побрз и поагилен од Јаховиќ. Токму брзина и агилност ќе ни биде потребна на овој меч.

Останува да видиме кој ќе биде изборот на Милевски, а ние се надеваме на позитивен резултат,

Фото: ФФМ