Селекторот на младата репрезентација на Словачка, Павел Хапала, по елиминацијата на неговата репрезентација од ЕП, директно ги обвини Германија и Италија и ги нарече срам за фудбалот.
Словачка не успеа како најдобра вторпласирана селекција да избори полуфинале на ЕП, бидејќи Германија загуби од Италија во последното коло, во Ц групата.
Традицијата продолжува, се трансформира - Pinko Crafts ↓↓↓
Германците завршија на второто место во групата со шест бодови и гол разлика 5:1, додека Словачка која го освои второто место во А групата имаше шест бодови и гол разлика 6:3.
„Многу сум разочаран, сите сме разочарани. Со должна почит кон Англија и Шпанија за мене овој турнир заврши, немам намера да го гледам понатаму. Она што го приредија Италијанците и Германците е голем срам за фудбалот“, изјави селекторот на младата словачка репрезентација.
Италија успеа да стигне до полуфиналето благодарение и на триумфот на Данска над Чешка (4:2). Минималната победа им го обезбеди првото место, а Германија заврши на второто бидејќи имаа за еден гол подобра разлика од Словачка.