Славната американска фудбалерка Карли Лојд стави крај на репрезентативната кариера

Прославената американска фудбалерка Карли Лојд изминатата ноќ го одигра последниот натпревар за својата репрезентација.

Лојд настапи во пријателскиот натпревар на САД против Јужнја Кореја. Својот 316 настап го заврши во 65. минута кога беше заменета од Алекс Морган. Во кариерата за репрезентацијата постигна 134 гола.

„Навистина долга кариера, не знам дали би имала нешто повеќе да кажам. Сакам да се заблагодарам на навивачите, скептиците, критичарите…на сите. Ме мотивиравте да одам напред и многу сум благодарна“, изјави таа. За репрезентацијата Лојд дебитираше против Украина на 10. јули 2005 година.

Ќе потсетиме селектор на женската репрезентација на САД е Македонецот Влатко Андоновски.

An absolute legend

Cheers @CarliLloyd pic.twitter.com/JvfIgQn8Wt

— Twitter Sports (@TwitterSports) October 27, 2021