Сите го критикуваат, Сари се брани: Не измислувајте лаги, тоа воопшто не е наш проблем

Италијанскиот стратег Маурицио Сари се наоѓа во големи проблеми бидејќи Челзи игра во очајна форма во последните недели и се повеќе се пишува дека ќе добие отказ.

Челзи во понеделникот на свој терен доживеа пораз од Манчестер Јунајтед и така се прости од ФА Купот, а навивачите играчите на својот тим и посебно Сари ги испратија со свирежи. Англиските медиуми на големо шпекулираат дека Роман Абрамович веќе бара замена.

Тука можете да прочитате за листата од пет кандидати кој се појави медиумите.

Исто така Сари доби големи критики поради стилот на игра и многумина тврдат дека токму тоа е најголемиот проблем на овој тим. Сепак, на денешната прес-конференција Сари застана во одбрана на својот стил.

„Многу добро ги знам нашите проблеми и каде ги губиме натпреварите. Кога губиме знам дека морам да ставам напаѓач во игра, а кога водиме дефанзивец и не ми требаат такви совети од никого. Го критикувате стилот на игра кој воопшто не е наш проблем. Тоа е лажен проблем кој го измислија оние кои не ме поддржуваат. Ние играме добро, но изостанува завршницата и мораме да работиме на тоа“.

„Ни недостасува фудбалер кој е дефанзивен играч за врска и кој може брзо да ја изнесе топката – да испрати клучно додавање. Тоа не е главната причина што Канте игра на таа позиција. Разбирам дека навивачите се фрустрирани поради резултатите, но мораат да разберат дека кога имаме проблем мораме да се држиме заедно, а не да се напаѓаме“, изјави Сари.