Симеоне НЕ е импресиониран од Суарез

Тренерот на Атлетико Мадрид, Диего Симеоне не е импресиониран од головите на новото засилување Луис Суарез.

Суарез пред неколку дена пристигна во Атлетико Мадрид и уште на своето деби постигна два гола и запиша асистенција во победата над Гранада од 6:1.

Симеоне е задоволен од перформансот на Суарез, но не е импресиониран од неговите голови.

„Не бев импресиониран од неговите два гола. Но, неговите асистенции, неговите пробиви и неговите движења на теренот ме импресионираа. Неговото доаѓање предизвика многу добро внатрешно натпреварување. Ако 23-те играчи ја прифатат минутажата што ја добиваат, сигурен сум дека ќе се справиме многу добро. Од моја перспектива, кога ќе го изберам тимот, барам играчи кои знаат да се претстават добро и кои ја прифаќаат ситуацијата и кога играат и кога не играат“, изјави Симеоне.