Симеоне доби добри вести пред натпреварот против Ливерпул

Oваа недела ќе продолжат натпреварите од Лигата на шампионите, а тренерот на Атлетико Мадрид Диего Симеоне доби добри вести пред мечот со Ливерпул.

Симеоне за дуелот со Ливерпул ќе може да смета на Љоренте, Хименез и Куња кои се опоравија од повредата и ќе конкурираат за стартниот тим.

Единствениот кој ќе изостане е Стефан Савиќ кој ќе мора да одработи суспензија. Атлетико во вторник од 21:00 часот во рамките од третото коло во групната фаза од Лигата на шампионите ќе го пречека Ливерпул.

Ќе биде ова дуел на двете првопласирани екипи во групата Б, Англичаните се први со максимални шест бодови, додека „јорганџиите“ имаат четири.