Симеоне го носи својот син на припремите со Атлетико

Џанлука носи славно презиме, но не покажа некој голем квалитет, па фудбал игра во четвртолигашот Ибица. Џовани е веќе друга приказна со години веќе заработува во Серија А, иако последната сезона не му беше баш најдобра. Сега на ред е Џулијан, најмладиот син на Диего Симеоне од првиот брак.

Мадритски „АС“ пишува дека шефот на стручниот штаб на „јорганџиите“ одлучил да го земе 18 годишнот син на припреми со сениорите бидејќи поради Европското првенство нема да има добар дел од првата екипа.

Од таму Џујлијан Симеоне кој игра како напаѓач ќе добие шанса да се докажува кај својот татко на припремите. Тој во септември минатата година од Ривер Плата се врати во Мадрид.

Покажа дека не е во тимот само поради протекциите на неговиот татко. После 20 секунди во јануарскиот натпревар со Побленсе постигна гол, играше добро. Сепак сениорскиот тим е нешто друго ќе видиме како ќе се снајде.