Се појави нов голман голгетер: Најдобар стрелец е на својот тим, а реализира и со „паненка“!

Вообичаено голманите имаат задача само да го бранат својот гол, но низ историјата се појавиле и голмани кои биле одлични стрелци како: Рожерио Сени, Рене Игуита, Хорхе Кампос, Хозе Луис Чилаверт…сега на сцена стапи нов чувар на мрежата кој често погодува.

Имено, 33-годишниот Тијаго Волпи на голот во мексиканскиот тим Депортиво Толука добива шанса да покаже што знае и во моментов е прв стрелец на својот тим што е поразително за останатите негови соиграчи.

Сезонава Волпи на 17 натпревари постигна шест гола од белата точка и е најдобар стрелец на тимот. Зад него со по пет гола се Роберт Моралес и Хуан Пабло Домингес. Дека е и тоа како сигурен во своите реализаторски способности покажува и голот со „паненка“ од пред седум месеци.

Интересно е што шанса да изведува пенали доби по доаѓањето во Толука, претходно во кариерата имаше постигнато само еден гол.