Се огласи Меси: Барса ми даде се, ќе останам додека ме сакаат!

Се погласни се шпекулациите дека Лионел Меси нема да го продолжи договорот со Барселона и дека следното лето би можел да ја промени средината.

Поради тоа Аргентинецот, по кој знае кој пат, потврди дека Барселона е неговиот прв избор и ќе остане на „Камп Ноу“ се додека клубот го сака во своите редови.

Меси сеуште го нема продолжено договорот со Каталонците, преговорите се во застој, на првиот човек на клубот, Жосеп Бартомеу истакна дека не е загрижен за иднината на Меси.

„Од секогаш сум велел дека Барселона ми даде се и дека ќе останам во овој клуб се додека ме сакаат“, истакна Меси, а потоа проговори за Пеп Гвардиола и за неговата работа во Сити.

„Тоа е многу комплицирана лига, што се покажа и минатата сезона, па мислам дека е исклучително тешко да се предвиди што ќе се случи. Пеп е многу успешен тренер, тој моментално се прилагодува на лигата, но сигурен сум дека ќе биде успешен и во Англија“, закличи Меси.