Сетиен му одговори на Матеус: Одличен е Левандовски ама не е како Меси

Пред натпреварот од четвртфиналето во Лигата на шампионите помеѓу Барселона и Баерн тренерот на Каталонците Кике Сетиен изјави дека очекува неизвесен натпревар и дека двете екипи ќе сакаат да имаат поголем посед на топка.

Барселона дојде во Лисабон после победата против Наполи од 3:1 во реваншот од осминафиналето, додека Баерн убедливо го елиминираше Челзи.

„Добро сме, ова e натпреварот кој го чекавме. Се спремивме добро, сите сме задоволни што Дембеле е на списокот и мислам дека ќе може да настапи“, изјави Сетиен па одговори на изјавата на Матеус дека Левандовски во овој момент е најдобриот играч во светот.

„Левандовски е одличен фудбалер, но не е на ниво на Меси. Јасно е дека е во одлична форма и дека му помагаат соиграчите. Го видовме Лео против Наполи, добро е што можеме да уживаме со такви играчи“, порача Сетиен.