Сержи Роберто потпиша и изјави: Сакам да се пензионирам во Барселона!

Сержи Роберто денес и официјално стави потпис на нов договор со Барселона и се оврза на вертност кон Каталонците до 2022 година.

После потпишувањето на договорот Сержи Роберто не можеше да ја сокрие радоста и истакна дека сака до крајот на кариерата да остане на „Камп Ноу“.

„Од секогаш сум сакал да бидам тука, бидејќи за овој клуб навивам уште од дете. Знаев дека постои интерес од други клубови, но сум среќен што потпишав нов дововор. Се надевам дека ова нема да биде последен со овој клуб“, истакна Роберто.

„Мојата желба е да се пензионирам како играч на Барселона. Сакам да одам по стапките на Иниеста и Меси. Се уште сум млад и треба да изодам голем пат, но до тука стигнав со многу работа“, додаде Сержи Роберто.

El camino de @SergiRoberto10 en el Barça es un ejemplo para nuestra cantera. Humildad, perseverancia, identificación y talento definen una trayectoria 100% azulgrana. Su continuidad hasta el 2022 refuerza el proyecto deportivo del FC Barcelona #SergiRoberto2022 pic.twitter.com/axiTfoILhg

— Josep Maria Bartomeu (@jmbartomeu) February 22, 2018