Сега е ѕвезда на Баерн и Германија, а учел да игра фудбал од Македонец

Џамал Мусијала е еден од најдобрите млади фудбалери на светот и во моментов блеска на Европското првенство со два постигнати гола за Германија.

Интересно е што неговите први чекори во фудбалот ги направил под водство на Македонец.

Мусиала е роден во Штутгарт, а кога имал само две години неговото семејство се преселило во градот Фулда. Таму тој покажал интерес за фудбал, а родителите решиле да го запишат во школата на ТСВ Ленерц, каде тренер му бил Македонецот, Бранко Миленковски.

„Мусиала го предводеше тимот до седум години до титула на локален турнир, а на секој од натпреварите постигнуваше меѓу пет и 10 голови. Поради тоа решивме да му дадеме шанса да игра за поголемите момчиња. Џамал е неверојатен талент. Тој танцуваше околу останатите играчи на теренот“, изјави Миленковски за германскиот репрезентативец.

Мусијала се пресели во Англија каде стигна во младинските категории на Челзи, а подоцна го купи Баерн Минхен.