Себаљос пристигна на лекарски прегледи во Лондон

Играчот на Реал Мадрид Дани Себалос, пристигнал во Лондон на лекарски преглед, а наскоро и официјално ќе го комплетира трансферот во Арсенал.

Двата клуба се договориле, а и самиот играч дал согласност да премине во англискиот клуб и трансферот се очекува да биде официјализиран најдоцна до утре.

Себаљос ќе пристигне во Арсенал како позајмен играч до крајот на сезоната и тоа без право на откуп.

Себаљос не влегува во плановите на Зидан за оваа сезона, па поради тоа реши да ја промени средината во потрага по поголема минутажа.

Од Реал Мадрид претпочитаат да не го продаваат својот фудбалер, туку да ги испратат на позајмица, а следното лето ќе одлучуваат за неговата иднина.

Себаљос пристигна во Мадрид од Бетис летото 2017 година за 16,5 милиони евра. Минатата сезона, 22-годишниот играч настапи на 23 натпревари, 13 пати во стартната постава.