Санчо направил потег со кој јасно покажал дека сака трансфер во Јунајтед

Борусија Дортмунд и Манчестер Јунајтед и понатаму преговараат за потенцијалниот трансфер на Џејдон Санчо во редовите на „црвените ѓаволи“.

Според она што се тврди од најголем дел од медиумите Санчо сака трансфер во Јунајтед.

Денес англиските медиуми објавија нова информација која ако е точна докажува дека Санчо сака трансфер на „Олд Трафорд“.

Наводно, фудбалерот веќе се приклучил на „Ватс-ап“ групата која е направена од англиските фудбалери на Манчестер Јунајтед. На овој начин Санчо уште подобро ќе се запознае со новата средина уште пред потпише за „црвените ѓаволи“.

Ќе потсетиме, Џеси Лингард претходно потврди дека Санчо редовно со нив ја играл видео-играта „Кол од Дјути“.