Само ШЕСТ тренери имаат повеќе од 100 победи со репрезентацијата

Германија вчера го победи Камерун во рамките на третото коло од Купот на Конфедерациите со резултат 3:1, со што тренерот Јоаким Лев ја запиша 100. победа во кариерата со оваа репрезентација.

Лев така стана шестиот тренер во „клубот 100“, но и единствен кој водел само една репрезентација.

Марио Загаљо е прв со 123 победи во 187 натпревари, а ги водеше Бразил, Саудиска Арабија, Кувајт и Обединетите Арапски Емирати. Милан Мачала оствари 121 победа во 255 натпревари, а седеше на клупата на Чехословачка, Кувајт, Обединетите Арапски Емирати, Саудиска Арабија, Оман и Бахреин.

Третиот на листата е Карлос Алберто Пареира со 120 победи во 251 натпревари. Победите ги оствари со Гана, Кувајт, Бразил, Саудиска Арабија, Обединетите Арапски Емирати и Јужна Африка. Четврти е Французинот, Клод Ле Рој со 119 победи во 267 натпревари, а ги водеше Камерун, Сенегал, Малезија, Конго, Гана, Оман, Сирија, Конго и Того.

111 поеди во 286 натпревари оствари Бора Милутиновиќ водејќи ги Мексико, Коста Рика, САД, Нигерија, Кина, Хондурас, Јамајка и Ирак.