„Салах ми кажа дека имал понуда од Реал Мадрид“

Името на Мохамед Салах во минатото повеќе пати се поврзуваше со Реал Мадрид, меѓутоа засега реализација на таков трансфер нема.

Сепак, помошникот селектор на Египет, Хани Рамзи во едно интевју тврди дека Салах уште во 2018 година имал понуда од Реал.

„Кога работев со Хектор Купер, имавме тренинг во Швајцарија во март 2018. Разговарав со Салах, а тој ми кажа дека Реал Мадрид му испратил понуда. Понудата била навистина добра, Салах разговараше со мене и Купер и одлучи да остане во Ливерпул“, откри Рамзи.

Истата година Салах играше финале во Лигата на шампионите против Реал, но доживеа повреда, а Ливерпул изгуби. Една година подоцна тој ја освои Лигата на шампионите откако „црвените“ во финалето го победија Тотенхем.