Рој Кин со нова критика за Јунајтед: Бог да ни е на помош со вакви играчи!

Поранешниот капитен на Манчестер Јунајтед, Рој Кин повторно упати остри критики кон фудбалерите после поразот од Арсенал на „Олд Трафорд“.

Кин смета дека Соскјер наскоро ќе ја загуби работата бидејќи работи со фудбалери на кои им недостасува квалитет.

„Ќе ви кажам што ќе се случи: Оле ќе ја загуби работата бидејќи работи со вакви фудбалери. Пред мечот зборувавме дека играчите треба да бидат агресивни и да се борат за победа, а не го видовме тоа. Нема никаква енергија во тимот, ентузијазам, недостаток на квалитет и тоа навистина ме загрижува. Бог да ни е на помош со вакви фудбалери. Ваков недостасток на класа во Јунајтед немало со години“, изјави Кин.