Рој Кин ги изненади навивачите со ставот за Тен Хаг

Maнчестер Јунајтед и сезонава е далеку од врвот на англискиот и европскиот фудбал, навивачите имаат уште една сезона за заборав.

Најголемиот успех би бил трофејот во ФА Купот каде што ќе играат финале против Манчестер Сити, но за клуб како Јунајтед трофеј во ФА Куп е премалку.

Поради тоа долго време се најавува заминување на Ерик Тен Хаг, но засега нема конечна одлука кога во прашање е неговата иднина. Навивачите посакуваат да замине, додека легендата на клубот, Рој Кин има став кој не им се допаѓа.

Имено, Кин смета дека клубот треба да му даде време на Тен Хаг.

„Се надевам ќе му дадат повеќе време. Доаѓа лето ,периодот кога би можеле да се регрупираат и да го реконструираат клубот. Има навистина големи проблеми внатре во клубот, тренерот не е најголемиот проблем. Се надевам ќе има шанса да ги исправи работите. Мораме да бидеме искрени и да кажеме дека минатата сезона имаше некои позитивни работи.

Тука е финалето во ФА Купот и ќе биде многу, многу тешко да го победата Манчестер Сити. Тен Хаг е под голем притисок, ќе видиме што ќе се случува“, изјави Кин.