Ројстон Дренте се уште игра фудбал и сега повторно е во Шпанија

Се сеќавате на Ројстон Дренте? Поранешниот фудбалер на Мурсија се уште игра фудбал, а сега направи трансфер во шпански третолигаш.

Станува збор за Расинг Мурсија. 33 годишниот Дренте на почетокот од кариерата важеше за голем талент и од 2007 до 2012 година беше дел од Реал Мадрид. Потоа следуваше негов пад во кариерата.

Од 2019 година играше во третата лига во Холандија во Козакен Бојс, а сега неговиот трансфер од овој клуб во Расинг Мурсија доби место дури и на насловната страна на реномираната „Марка“.