Роналдињо од сопственикот на хотелот имал само едно барање

Легендарниот Роналдињо и неговиот брат на почетокот на месецот се пуштени од затвор откако беше платена кауција од 1.6 милиони долари.

Роналдињо ќе продолжи да се брани од домашен притвор. Своевремено најдобриот светски фудбалер е сместен во хотел со 4.5 ѕвезди во престолнината на Парагвај, Асунсион.

При доаѓањето од бразилскиот ас имал само еден посебен услов: фудбалска топка и простор за играње.

„Му овозможивме простор од 30 метри должина и 15 метри ширина за да може да игра фудбал“, изјави менаџерот на хотелот Емилио Јергос.

Инаку, Роналдињо неговиот брат и двајцата адвокати поради пандемијата од коронавирусот се единствени гости во хотелот.

„Роналдињо не го губи расположението и често се шегува. Изгледа како одличен чове. Секогаш е насмеан како и неговиот брат. Првиот ден беше под стрес и напнат, но тоа се промени“, додаде Јергос.

Поранешниот светски шампион и добитник на „Златната топка“ во Парагвај допатува на промиција на книга и да учествува во кампања за заштита на децата, меѓутоа поради користење на лажен пасош заврши зад решетки.