Роки отпадна, кој од овие двајца судии ќе ја дели правдата во финалето од ЛШ?

epa05795761 Players of Bayern Munich and Arsenal's Alexis Sanchez (4-L) discuss with Referee Milorad Mazic (2-R) during the UEFA Champions League round of 16 first leg soccer match between Bayern Munich and Arsenal FC at the Allianz Arena, in Munich, Germany, 15 February 2017. EPA/LENNART PREISS

Сезоната во Лигата на Шампионите се приближува до самиот крај и веќе е познато дека едниот клуб кој ќе игра во финалето е Јувентус.

Вечерва ќе го добиеме и вториот финалист, односно кој ќе биде противникот на „Старата дама“ во финалето кое ќе биде одиграно на 3 јуни во Кардиф. Најверојатно тоа ќе биде Реал Мадрид кој ќе го брани резултатот од 3:0 од првиот натпревар против Атлетико.

Исто така, непознато е кој ќе биде главниот судија на финалниот натпревар, а според некои информаии од српските и европските медиуми, во игра останале само двајца кандидати.

УЕФА имала направено мал список од тројца судии кои конкурирале за најважниот натпревар во Лигата на Шампионите, а на таа листа биле Џанлука Роки, Дамир Скомина и Милорад Мажиќ.

Поради пласманот на Јувентус во финалето Роки отпадна поради тоа што е Италијанец и не смее да ја дели правдата на тој дуел, па така во конкуренција останаа само двајцата Балканци.

Поголеми шанси за да суди во финалето има Мажич, кој од почеток на нокаут-фазата нема судено на ниту еден натпревар во ЛШ, додека Словенецот ја делеше правдата на четвртфиналниот натпревар помеѓу Монако и Дортмунд.

Вреди да се напомене дека Џенеит Чакир и Феликс Брих, кој исто така многу добро котираат во УЕФА, во терминот кога ќе се одигра финалето ќе судат на Светското првенство за играчи до 20 години кое се игра во Јужна Кореја, така да, со тоа дополнително се намалува бројот на кандидати за финалето на ЛШ.