Рекорд во Англија: Никој не постигнал побрзо 1000 гола од Пеп и Сити

На Островот пресметаа дека откако Пеп Гвардиола е на клупата на Манчестер Сити овој тим постигнал 1000 голови.

До оваа бројка „граѓаните“ стигнаа со трите гола во вчерашната победа против Вест Хем. Меѓутоа важно е да се истакне дека за овие 1000 гола на избраниците на Пеп им беа потребни рекордни 404 натпревари.

Со оваа бројка Сити со Гвардиола е тимот кој најбрзо постигна 1000 гола под водство на еден стратег. Зад „граѓаните“ е Арсенал кој со Арсен Венгер до 1000 гола дојде за 554 натпревари, потоа следи Јунајтед и Сер Алекс Фергусон со 693 натпревари.