Реал најде замена за Бејл и спреми 80 милиони!

Кога замина Кристиано Роналдо се очекуваше токму Бејл да стане лидер на Реал Мадрид, но Велшанецот повторно разочарува и оваа сезона.

Од неговото доаѓање во Мадрид, Бејл доживеа многубројни повреди и никогаш не го исполни во целост својот потенцијал, па најверојатно ја игра последната сезона на „Сантиаго Бернабеу“.

Реал Мадрид е спремен да се раздели со Бејл на крајот на сезоната, а и самиот фудбалер сака да ја промени средината.

Шпанските медиуми тврдат дека „кралевите“ веќе пронашле замена за Велшанецот, а станува збор за младата ѕвезда на Борусија Дортмунд, Кристиан Пулишиќ.

Американскиот репрезентативец е мета на Ливерпул, Челзи и Манчестер Јунајтед, но „кралевите“ се спремни да ја победат конкуренцијата и веќе спремиле понуда од 80 милиони евра.

Се верува дека оваа сума ќе ги задоволи апетитите на Борусија Дортмунд, а во Мадрид сметаат дека Пулишиќ ќе биде идеална замена за Бејл.