Реал Мадрид сака да го врати Хамес

Хамес Родригез не се снајде баш најдобро во Баерн, а Реал игра многу лошо без него.

Едно логично решение е враќање на Колумбиецот во редовите на поранешниот клуб. Токму тоа е и желбата на претседателот на Реал Мадрид, Флорентино Перез кој сака да го врати Хамес по само една сезона помината во Баерн, пренесува „Daily Express“.

Потсетуваме, Родригез минатото лето дресот на Реал го замени со дресот на Баерн, но во германскиот гигант не игра како што очекуваше, па во Реал би можел да се врати по само една сезона, иако потпиша договор за двегодишна позајмица.

Хамес од доаѓањето во Баерн одигра „само“ 14 натпревари во Бундеслигата и постигна три гола со шест асистенции. Баерн има опција да го откупи договорот, но како што сега стојат работите, до тоа тешко дека ќе дојде.