Реал Мадрид нема да му дозволи на Модриќ да игра за Хрватска?

Селекторот Златко Далиќ пред неколку дена го објави составот на Хрватска за Лигата на Нации, а на голема радост на него беше и Лука Модриќ.

Но, ваквата ситуација не им се допадна на луѓето во Реал Мадрид. Модриќ на 38-години по неуспешниот настап на Европското првенство одлучи да остане дел од репрезентацијата, а тоа значи дека го чекаат шест натпревари во три месеци во Лигата на Нации.

Таквата ситуација за Реал е проблем затоа што пред „кралевите“ е една oд најдолгите сезони во која треба да одиграат и до 70 натпревари.

Во Реал стравуваат дека со поголем број натпревари Модриќ нема да биде во најдобра форма за клупските предизвици, па затоа би можеле да побараат да има балансирана минутажа.