„Реал Мадрид има договор со Мбапе и неговото семејство“

Килијан Мбапе зад себе има уште една многу добра сезона во ПСЖ, но константно се пишува за негово заминување од клубот.

Француските и шпанските медиуми го поврзуваат Мбапе со трансфер во Реал Мадрид, а после се огласи и Бруно Сатин.

Тој тврди дека има информација дека Мбапе и неговото семејство постигнале договор за трансфер во Реал Мадрид.

„Чувствувам дека е спремен да замине. Имам информација дека Мбапе и неговото семејство имаат договор со Реал. Сепак треба да се постигне договор и со ПСЖ“, изјави Сатин за „Канал Плус“.
Мбапе член на ПСЖ стана во 2017 година. Пристигна на едногодишна позајмица од Монако, а една година подоцна потпиша договор со ПСЖ.

ПСЖ за неговите услуги издвои дури 180 милиони евра и после Нејмар (222) го направи втор најскап фудбалер во светот.

Во дресот на францускиот клуб Мбапе има учинок од 131 гол на 170 настапи.