Реал доби голема конкуренција за потписот на Мбапе

Еден од најдобрите светски играчи, Килијан Мбапе на крајот од сезоната би можел да ги напушти редовите на ПСЖ.

Мбапе има договор со ПСЖ до летото 2022 година, но преговорите околу потпишување на нов не вродија со плод, па се поизвесно е дека овој фудбалер на крајот од сезоната ќе го напушти францускиот првак.

Реал Мадрид се смета за фаворит за неговиот потпис и веќе подолго време работи на трансферот, но „кралевите“ сега добија силна конкуренција.

Како што пишуваат француските медиуми, за Мбапе сериозно е заинтересиран и Ливерпул, кој и во 2017. година сакаше да го донесе во своите редови, а наводно контактите помеѓу Французинот и англискиот клуб никогаш не престанале.

Нормално, ПСЖ и натаму ќе се обидува да го убеди Мбапе да потпише нов договор, но како што пишуваат познавачите во фрацускиот фудбал, тој веќе одлучил да замине, само прашање е каде, во Реал Мадрид или Ливерпул?