Рамос и овој викенд нема да дебитира за ПСЖ

Ниту во викендот кој е пред нас Серхио Рамос нема да дебитира за ПСЖ.

Како што објави францускиот „Л’Eкип“ дебито на Рамос ќе мора да биде уште малку одложен. Шпанскиот дефанзивец нема да биде во тимот ПСЖ за утрешниот меч со Клермон во Лига 1, а веројатно ќе го пропушти и дуелот со Бриж од Лигата на шампионите кој е закажан  за среда.

Рамос кој летово пристигна во ПСЖ се очекуваше да дебитира после репрезентативната пауза, меѓутоа лекарскиот тим на „светците“ не сака ништо да ризикува, па ќе се оди пополека со неговото враќање.