Сениорската женска репрезентација на Македонија утрово, во СЦ „Јане Сандански“ во Скопје го одржа првиот собир за почеток на подготовките за бараж-двомечот за СП 2017 со Шведска.
Селекторот Симе Симовски по кусиот состанок со присутните ракометарки го одржа и првиот тренинг, а веќе вечерва, на вториот тренинг, се очекува репрезентацијата да биде комплетна.
Данска vs. Македонија: Како тие се справуваат со отпадот, додека ние се расправаме кој е крив?
Според распоредот, ќе се тренира двапати дневно, денеска и утре, односно до заминувањето за Турција в среда, каде Македонија ќе настапи на меѓународен подготвителен турнир.
На турнирот во Анталија, кој ќе трае до недела, покрај со домаќинот Турција, нашата селекција ќе одигра натпревари и со соодветните селекции на Литванија и Русија.
По враќањето во Скопје, нашите репрезентативки ќе ги продолжат тренинзите до првата од двете бараж средби против Шведска за пласман на СП 2017. Првиот натпревар ќе се одигра во СРЦ „Кале“ во Скопје, на 10 јуни, со почеток од 20:30 часот. Реваншот во Шведска е предвиден за 13 јуни 2017.
Учество во игри на среќа е дозволено за лица со 18+ години. Играј одговорно!