Ракометарите ги добија противниците во квалификациите за ЕП 2024

Ракометна репрезентација на Македонија ги доби противниците во квалификациите за Европското првенство 2024 кое ќе се игра во Германија. 

Македонија е дел од групата 1 заедно со Португалија, Турција и Луксембург во квалификациите за ЕП кое ќе се одржи во период од 10 – 28 јануари 2024 година во Германија.

Македонија не би требало да има проблем да се пласира на Европското првенство со оглед на тоа што место на натпреварувањето обезбедуваат првиот и вториот од групата.

Квалификациите ги почнуваме против Луксембург на домашен терен, а ги завршуваме против селекцијата на Турција.