Иван Ракитиќ ѝ се претстави на јавноста како нов фудбалер на Хајдук. Со огромен број фанови кои го пречекаа, Ракитиќ се претстави како нов играч на сплитскиот клуб.
– Да ми кажеше некој пред два-три месеци дека ќе седам овде, ќе му се изнасмеев. Среќен сум и горд што можам да му вратам на хрватскиот фудбал сè што ми даде. Ми се отвори можност да дојдам во хрватската фудбалска лига, а Хајдук беше единствената опција. Среќен сум што уживам овде и едвај чекам да му се приклучам на тимот, да ги почувствувам овие навивачи и да тренирам што поскоро – изјави Ракитиќ.
Исхрана, повреди и тренинг – совети од доктор по спортска медицина | Уште еден поткаст
Тој одговори и на прашањето дали се слушнал со тренерот на екипата, Џенаро Гатузо.
– Се слушнавме. Тренерот е газда, тој ќе знае што да прави. Ќе помогнам на секаков начин, ако треба и како десен бек. Тука сум да помогнам и да го повлечам целиот тим, нема никакви проблеми. Важно е да се запознаеме, да се чувствуваме и тогаш сè ќе си дојде само по себе.
Учество во игри на среќа е дозволено за лица со 18+ години. Играј одговорно!