Раиола жали што Де Лихт не завршил во Баерн Минхен

Дефанзивецот Матијас де Лихт бил многу блиску до трансфер во Баен Минхен пред да потпише за „старата дама“, откри неговиот агент Мино Раиола.

Раиола од оваа перспектива призна дека жали што Холанѓанецот не завршил на „Алијанц Арена“ во Минхен.

„Водевме преговори со Баерн Минхен и трансферот беше пред реализација, недостигнаа само мали детали. Жалам што трансферот не се реализираше“, изјави Раиола.

Во 2019 година Де Лихт беше еден од најбараните фудбалери во Европа и на крајот заврши во Јувентус за 75 милиони евра.

Меѓутоа, Холанѓанецот не ги оправда во целост очекувањата во Торино, па на лето би можел да ја промени средината.