Против Романија во Скопје ќе ни суди еден од најдобрите судии во светот

Познатиот шпански судија Антонио Матеу Лахоз кој важи за еден од најдобрите судии во светот ќе ја дели правдата во Скопје на натпреварот помеѓу Македонија и Романија.

Македонија и Романија ќе играат важен дуел во борба за втората позиција на табелата, па затоа и овој меч е доверен на и тоа како искусен и квалитетен судија.

Лахоз редовно ги суди дерби натпреварите во Шпанија, беше дел од ЕУРО, а често пати е делегиран и во Лигата на шампионите.

Помошници ќе му бидат неговите сонародници Девис и Паломар, а задолжени за ВАР собата ќе бидат Мунера и Барберо.