Продолжува бајката на Денвер и Јокиќ! ?

Спротивно од очекувањата во финалето на Западната конференција во НБА лигата ќе игра Денвер против Лејкерси.

Тимот од Коларадо рано утрово по наше време во седмиот натпревар од полуфиналето го совлада Клиперс со резултат 104:89 и така се пласираше во финалето на оваа конференција.

Го комплетираа Клиперси така второто враќање во низа после заостанување од 1:3 и после Јута на таков начин го елиминираа и фаворитот од Лос Анџелес. Станаа првиот тим на кој му успеало такво нешто. Џамал Мареј во првото полувреме ги одржуваше Наџентси уфрлувајќи 25 поени, а кога во продолжение се приклучи маестралниот Јокиќ, како и Милисап, Грант и Морис за неубедливите Клиперси немаше шанси.

Мареј уфрли 40 поени, а Никола Јокиќ запиша одличен трипл-дабл со 16 поени, 22 скока и 13 асистенции. Со ова Јокиќ стана стана првиот играч после 2004 година кој успеал да оствари три трипл-дабл во 7 натпревари.

Кај Клиперси најефикасен беше Харел со 20 поени, додека тандемот Ленард – Џорџ потфрли. Каваи уфрли 14, а Џорџ само 10 со катастрофален шут од игра.

Пред овој натпревар беше одигран и првиот натпревар од финалето на истокот каде што Мајами во одличен натпревар после продолженија го победи Бостон со 117:114 и поведе во серијата со 1:0.