Проблем за Флик: Баерн ослабен во финалето?

Баерн Минхен би можел да биде ослабен во финалето од Лигата на шампионите кое се игра во недела.

Германскиот гигант вчера со убедливи 3:0 го совлаа Лион и се пласираше во финалето од Лигата на шампионите каде што ќе игра против ПСЖ.

Баварците во натпреварот влегуваат како фаворити затоа што прво ја декласираа Барселона со 8:2, за потоа против Лион да дојдат до десеттата победа сезонава во најелитното европско натпреварување.

Сепак, тренерот Флик би можел да се соочи со еден проблем. Дефанзивецот Жером Боатенг е под знак прашалник за оваа средба.

Германскиот репрезентативец вчера во полуфиналето беше заменет на полувремето. Боатенг го замени Никлас Зуле кој до крајот одигра солиден натпревар, но за Баерн сигурно ќе биде подобро ако за финалето го имаат на расплагање поискусниот Боатенг.