Проблеми за „Волчицата“ пред дербито со Милан

Фудбалскиот клуб Рома се соочува со проблем пред големото дерби против Милан.

Како што пренесуваат италијанските медиуми, Лоренцо Пелегрини нема да биде во комбинација за натпреварот против „росонерите“. Пелегрини се здобил со грип во Азербејџан каде што Рома го победи Карабах со 2:1 во рамките од второто коло во Лигата на шампионите.

Повредени од Азербејџан се вратија уште Диего Пероти и Грегор Дафрел, кои исто така не ќе можат да настапат против Милан, а под знак прашалник е и настапот на Емерсон.

Да потсетиме, Роме веќе подолго време е без Патрик Шик, Рик Красдорп и Емерсон Палмери.

Во средниот ред против Милан би требало да играат Кевин Стротман, Даниеле Де Роси и Раџа Наинголан, додека Максим Гоналон веројатно ќе биде изоставен поради лошото издание против Карабах.

Поради проблемите со составувањето на напаѓачката линија, местото десно крило би требало да го превземе Алесандро Флоренци кој до сега играше како десен бек.

Рома натпреварот против Милан го игра во недела со почеток во 18:00 часот.