Екипата на Џенова не сака да го игра натпреварот против Торино во сабота во рамките од 3. коло во Серија А. Тоа е и очекувано после хаосот со коронавирусот кој се случи во овој тим.
Џенова објави дека 14 членови на нивниот тим се позитивни на коронавирусот, според последните информации 10 биле фудбалери, иако прво се шпекулираше дека станува збор за осум играчи.
Сакаш да снимаш видеа и да заработуваш од тоа? ТЕБЕ ТЕ БАРАМЕ! ↓↓↓
Нормално сите позитивни се во изолација, екипата не тренира, па невозможно е нормално да се подготват за средбата со Торино. Кои играчи се позитивни не е објавено, но за нас најважно е што Горан Пандев не е помеѓу позитивните. Тоа македонскиот капитен го потврди во изјава за нашиот сајт.
Првиот човек на Џенова Енрико Прециози сега потврди дека лудост е што лигата очекува тие да играат во сабота.
„Пред се постои правило на здравиот разум и тоа ни говори дека во овој момент невозможно е да играме натпревар. Во најавите покрај позитивните случаи многумина забораваат еден важен аспект. Ние овие денови не можеме да тренираме, ниту со оние кои се негативни. Како можеме да играме против Торино?!“, изјави Прециози.
Учество во игри на среќа е дозволено за лица со 18+ години. Играј одговорно!