По отказот во Лидс Биелса е пред нов ангажман – станува селектор

Кон крајот на февруари оваа година Марсело Биелса доби отказ во Лидс, а сега е пред нов ангажман.

Изгледаше како Аргентинецот да ги испушти конците во Лидс, следуваше серија лоши резултати кои резултираа со негов отказ, но само еден месец подоцна Биелса е блиску до нова работа.

Претседателот на боливискиот фудбалски сојуз Фернандо Коста потврди дека сакаат да го доведат Биелса за селектор. Боливијците останаа без шанси да се пласираат на Светското првенство, но оваа јужноамериканска селекција веќе размислува за следниот циклус и затоа дојде до идеја да се преговара со контроверзниот Аргентинец.

„Во контакт сме, нема да одрекувам. Се уште не сме разговарале директно со него, но блиску сме. Сакам да му ја дадам целата поддршка. Знаеме дека Боливија има многу талент и дека не е далеку од учество на Светско првенство“, им изјави Коста на новинарите.

Биелса сигурно дека добро го познава јужноамериканскиот фудбал затоа што пред Лидс ги водеше Аргентина и Лидс.