По одличната сезона во Белгија Ердон Даци може да се врати во Турција

Eкипата на Аланијаспор од Турција покажала интерес за македонскиот репрезентативец Ердон Даци.

Даци во Турција настапуваше до пред само една година кога го напушти Коњаспор и потпиша за Вестерло во Белгија.

Во Коњаспор помина четири години. За Вестерло одигра одлична сезона во која беше најдобар стрелец, а тимот се врати во Суперлигата.

Според најавите од Турција, Аланија сега посакува да го врати во Суперлигата, но прашање е дали ќе успее да го наговори да дојде после одличниот почеток на сезоната на македонскиот офанзивец. Даци во март годинава првпат доби повик за македонската репрезентација за баражите за СП 2022, но нема запишано деби. Тој е поранешен младински репрезентативец на Македонија.