Почнаа проблемите во Катар: На новинари им беше забрането да снимаат 🎥

Од моментот кога беше објавено дека Катар ќе биде домаќин ова Светско првенство го следат контроверзии, а многумина очекуваат ситуацијата во Катар да не биде нормална.

Натпреварите кои се организирани од ФИФА веројатно нема да бидат проблем, меѓутоа проблеми може да се појавуваат надвор од стадионите каде што организатор е катарската држава.

Со првите проблеми се соочија новинари на данска телевизија. Имено ,тие снимаа линк во живо што секако е дозволено и нормално пред Светското првенство во земјата домаќин. Сепак, до новинарите дојдоа неколоку лица кои им забранија да снимаат.

Новинарите потоа соопштија дека добиле извинување.

„Од Катарската интернационална медиа канцеларија добивме извинување. Еве што ни се случи додека снимавме во живо од кружен тек во Доха денес. Дали ова ќе продолжи со другите медиуми и во наредните денови?“, објави новинарот Расмус Танхолд.