Постигнат договор: Раниери на кормилото на Сампдорија

После отказот на Еусебио ди Франческо, раководството на Сампдорија беше во потрага по нов тренер и конечно најде нов кормилар.

Италијанските медиуми пренесуваат дека е постигнат договор со искусниот Клаудио Раниери, кој наскоро и официјално ќе биде назначен за нов тренер на Сампдорија.

Наводно се работи за двегодишна соработка во која Раниери ќе заработува по 2 милиони евра по сезона.

Тимот од Џенова е на дното на табелата во Серија А, па задачата на Раниери ќе биде да го извади тимот од тешката ситуација и да обезбеди опстанок во елитата.

Раниери во својата долга кариера, ги има водено Рома, Јувентус, Интер, Парма, Фиорентина, Наполи и Калјари, а најголем успех во кариерата секако му е шампионската титула со Лестер во Премиер лигата.