На Грција не и оди ниту со новиот селектот. Џон Ван Шип неодамна беше ангажиран за шеф на стручниот штаб и уште на стартот на својот мандат се посрамоти.
Предводена од холандскиот тренер Грција на домашен терен не успеа да го победи Лихтенштајн. Натпреварот заврши 1:1.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Натпреварот се играше на Олимпискиот стадион во Атина. Свесен за понижувањето после натпреварот селекторот ги заклучил играчите во соблекувалната и не дозволил никој да се приближи, пишуваат грчките медиуми.
Новинарите нестрпеливо чекале да сретнат некој од играчите меѓутоа самата атмосфера била напната и веројатно и фудбалерите после таква бламажа не сакале да се појават пред камерите.
Селекторот Ван Шип зборувшае за медиумите и порача дека со овој резултат го допреле дното.
„Разочарани сме, требаше да победиме со оглед на шансите. Лихтенштајн имаше само една шанса. Го допревме дното. Ќе мораме напорно да работиме и да ја подмладиме селекцијата“, изјави холандскиот тренер.
После шест одиграни кола Грција е петопласирана во групата од квалификациите со само пет освоени бодови.
Учество во игри на среќа е дозволено за лица со 18+ години. Играј одговорно!