Последица од трансферот на Мбапе – Германецот го напушта ПСЖ?

Дали трансферите на Нејмар и Мбапе ќе придонесат фудбалерот да го напушти „Градот на светлината“.

Според последните информации кои пристигнуваат од Франција, Јулијан Дракслер, се наоѓа на излезни врати од ПСЖ.

Портало „Le10Sport“ пренесува дека најдобриот фудбалер на овогодинешното издание на Купот на Конфедерации кариерата би можел да ја продолжи во Борусија Дортмунд.

На навивачите на Шалке, нема да им се допадне вакво сценарио, но Дракслер не би бил ни првото, а веројатно ниту последно „нивно дете“ кое преминува во најголемиот ривал.

Одличниот 23 годишен крилен фудбалер во текот на зимскиот преоден рок пристигна во Париз од екипата на Волфсбург и имаше неколку одлични натпревари во вториот дел минатата сезона, но како што веќе споменавме неговиот статус е ставен под знак прашалник после доаѓањето на Нејмар и Килијан Мбапе.