Машката ракометна репрезентација на Македонија не успеа да направи изненадување и забележа пораз од Египет од 20:34 во полуфиналето на Медитеранските игри.
Египетските ракометари пред далеку поголема поддршк од трибините подобро го отворија натпреварот. Нашиот напад во тој почетен период не беше на ниво и првиот гол го постигнавме дури после три ипол минути игра.
Disc Golf challenge: Дали некој ќе погоди од прва!? ↓↓↓
Во продолжение Марко Кизиќ врза неколку одбрани, го подобривме нападот и успеавме да се доближиме на минус еден (6:7). До паузата Египет повторно играше подобро и се „одлепи“ на 16:10, резултат со кој се замина на полувремето.
Натпреварот беше решен во првите 10 минути од вториот дел кога Египет поведе со 22:12, тука веќе беше јасно дека нашата подмладена репрезентација нема да има сили да се врати резултатски во мечот. Египќаните рутински го приведоа натпреварот до крајот и славеа со конечни 34:20.
Павле Атанасијевиќ, Стојковиќ, Џонов и Јагуриновски постигнаа по три гола во нашиот табор. Натпреварот за третото место ќе го играме в среда од 12:30 против поразениот од мечот помеѓу Шпанија и Србија.
Учество во игри на среќа е дозволено за лица со 18+ години. Играј одговорно!