Понижување за Покетино – ја освои Лига 1, а не е меѓу кандидатите за најдобар тренер во Лига 1

Француската Лига 1 ја објави листата на номинирани за најдобар тренер во изминатата сезона.

На големо изненадување на сите на листата немаше место за Маурисио Покетино кој со ПСЖ стигна до шампионската титула. И покрај освојувањето на првенството за Покетинот немаше место во првите пет.

Вакво нешто се случува само вторпат во историјата на Франција, претходно единствена ваква ситуација беше во 2008 година кога Ален Перин го освои шампионатот со Лион и не се најде меѓу кандидатите.

Тренерите кои ќе се борат за наградата се: Хорхе Сампаоли од Олимпик Марсеј, Бруно Џенесио од Рен, Кристоф Галтие од Ница, Антоан Комбоар од Нант и Жулиен Стефан од Стразбур.