Покрената истрага против Лукаку и Ибра, им се заканува нова казна

Фудбалскиот сојуз на Италија соопшти денес дека е покрената истрага за расправијата помеѓу Ибрахимовиќ и Лукаку за време на миланското дерби минатата недела.

Ибрахимовиќ и Лукаку добија суспезија од еден натпревар, која ќе важи само за Купот, а сега Федерацијата отвори подетална истрага.

Сега ќе се истражува дали има расизам во зборовите на Ибра „вуду глупости“ и дали има закани по живот во зборовите на Лукаку „ќе ти пукам во глава“.

Денес исказ пред Дисциплинската комисија ќе дава судијата Паоло Валери и од тоа ќе зависи евентуалната нова казна за двајцата напаѓачи.