Пиоли: Скудето? Ова е се уште „лажна“ табела

Милан синоќа го победи Емполи со 1:0 и ја зголеми предност пред Интер на пет бода на табелата.

Интер денес игра против Торино, а има и еден заостанат натпревар против Болоња, па поради тоа Пиоли оваа табела ја нарече „лажна“.

„Секогаш мораме да го сметаме нашиот следен натпревар за најважен. Ние сме на врвот и мора да гледаме натпревар по натпревар. Пласманот изгледа добро, но е виртуелен бидејќи има тимови со помалку одиграни натпревари. Мислам дека ќе беше фер доколку сите одиграа ист број натпревари, но ова не е под наша контрола“, изјави Пиоли.

Милан во моментов е лидер во Серија А со 63 бода, пет повеќе од вториот Интер и шест во однос на Наполи, а седум во однос на четвртиот Јувентус. Но „росонерите“ имаат два натпревари повеќе од Интер и еден повеќе од Наполи.