Пиоли: Секоја чест за „Жолтиот ѕид“, но атмосферата на „Сан Сиро“ посебна

Милан утре ја пречекува Борусија Дортмунд во рамките на 5-то коло од Лигата на шампиони.

Ова е клучен дуел за двата тима, па се очекува голема битка на теренот, а Пиоли верува дека „росонерите“ ќе имаат голема поддршка од преполниот „Сан Сиро“.

„Борусија е силен тим кој може секому да му направи проблеми, па ќе мора да играме 95 минути како да ни зависи животот од овој меч. Ние го знаевме Жолтиот ѕид во Дортмунд, но тие не ја знаат енергијата на Сан Сиро во ЛШ. Сигурен сум дека навивачите ќе ни помогнат“.

„Многу ни е важно да одиме во нокаут-фазата во ЛШ, овој меч може да биде клучен за нашите амбиции, но и пресвртица во сезоната“, изјави Пиоли.